Poladroid

在網上發現呢個有趣軟體，名叫Poladroid，是用來仿造寶麗萊即影即有相片。簡單易用，效果唔錯，值得向大家推薦！

網址：http://www.poladroid.net/
圖集：http://www.flickr.com/groups/poladroid/

長隆大馬戲 + 歡樂世界

我整理了一些長隆大馬戲和歡樂世界的表演照片，大家俾下意見啦！

2008聖誕番禺長隆之旅

吃過平安夜大餐後，25號我們一家先回新會和外父吃晚飯慶祝生日，26號再與姑婆會合，出發到番禺長隆度假村玩兩日一夜。

當晚在新會吃晚飯，差不多全家總動員，好不熱鬧！珮珈女也收了不少由表姐送的小禮物呢！

第二日我們由新會乘的士到番禺，先到達星河灣酒店入住並吃中午飯，下午稍稍休息一下，晚上出發到長隆看大馬戲。當晚全場爆滿，而且表演相當精彩呢。

經過一晚休息，第三日早上我們再到長隆歡樂世界遊玩。培夆和珮珈看到這麼多機動遊戲十分興奮！一輪吃喝玩樂後，我們都帶著疲倦的身軀，坐車回澳門，結束我們的聖誕長隆之旅。

其他圖片看這裡

2008平安夜聖誕餐

平安夜晚，我們一家到英皇酒店食聖誕自助餐。因為果度交通方便，食完仲可以行下旁邊的新八伯伴百貨公司，而且餐廳內有現場唱歌、魔術表演及聖誕老人出巡，氣氛都算唔錯。
食物方面不過不失，例牌有生蠔、三文魚、長腳蟹等等，不過唔覺有聖誕節相關應節食物，而且熱盤選擇唔多，不過甜品款式都算係咁，我都食左兩杯雪糕！我們食飽飽後，落到酒店大堂仲同聖誕老人影相添！

其他相片可在這裡觀賞

得閒隨影

最近完成了手上既工作，比較清閒，最快要過左農曆新年後先會有新工作，而家都算係提早收爐喇！ 所以我一有時間就拎部相機出街四圍snap，行下街街，都幾舒服寫意架。

其他劣作在此

香港行街街

昨天得閒，就同老婆去香港行街shopping。
由中環開始，殺到金鐘、銅鑼灣，最後到尖沙咀，行盡所有減價名店。行到我倆雙腳麻痺兼酸軟，但居然一樣野都買唔到，真係出奇！最後買了兩大包鴨腎同埋一個識跳舞既牛牛公仔，結束今次既香港行程。

其他相片在此

親子活動

剛過去的星期六及星期日是珮珈和培夆學校的親子活動日，我當然有參加啦。

珮珈的親子活動，和往年一樣，主要以小朋友表演唱歌及律動為主，加上少少親子遊戲等等。而培夆那邊卻是遊戲攤位為主，培夆也有參與其中一個攤位做幫手呢！

其他照片在此

新玩具

今天有件新玩具入手 - Canon EOS 5D mark II。
詳細參數不在此說明了，有興趣者可看看這裡。
新玩具入手當然馬上去試試它的實力啦！

12平方

早陣子，我在網上無意中發現了這家hypo.cc公司，能將數碼相片製作成寫真書，並提供線上自主編輯然後電子油墨印刷成書的服務，我未試過這玩意呢，心動不如馬上行動！

編輯的過程十分順利，祗是在挑選相片時花了點時間。製作完成、下單，兩星期後的今天終於收到成品，心裡實在很興奮！

打開包裝，看到自己製作的寫真書，心裡有種難以言諭的快感！包裝裡還附有貼紙、優惠劵，還貼心地附上一張回郵貼紙，一旦製成品有錯誤或瑕疵，可利用這貼紙連同產品退回。

手中翻著寫真書，發覺印刷十分精美，質感滿分，確實物有所值！在這個網上資訊泛濫的年代，什麼事情和訊息都可在網絡上找到，但是，對我來說，是缺乏了一書在手、翻頁細味的充實和滿足感。

澳門美食節2008

昨天是澳門美食節2008最後一天，晚上我們一家趕緊把握機會去品嚐美食！

現場很多人，各個攤位都堆滿群眾購買食物，跟據主辦單位公布，人流比去年上升約一成，似乎沒有受經濟轉差影響。因為我們已經吃過晚飯，所以沒有買什麼食物，祗買了綿花糖給小朋友，另外買了些飲品及布甸等小食。其實小朋友主要都係要去玩攤位遊戲呢！

其他相片在這裡

沙田新城市

昨天慶祝老爸生日，我們一家回香港食晚飯。

中午到達，我們先到沙田新城市廣場食中午飯。那裡人山人海，四處都是人，聽講係一田百貨大減價。 我們先到地下一家意粉店醫肚，再到旁邊的玩具反斗城逛街，哥哥買了UNO，妹妹買了兒童高爾夫球套裝。

其他圖片按此

iPhone Ocarina

如果你有用開iPhone，我誠意推薦一個好正既軟件：Ocarina。
佢將你心愛既iPhone變成一支陶笛，螢幕上會出現四個按鈕，只要向住個mic吹氣，配合不同既按鍵指法，就可以吹出一首音樂，好似吹牧童笛咁！設計呢個軟件既公司非常聰明地用盡iPhone既特性，前後左右的傾斜iPhone可以控制震音既快慢，真係好鬼死正！

http://ocarina.smule.com/

威尼斯人停工

澳門威尼斯人宣佈全面暫停第五、六期工程，大約一萬個工人即時失業，事件震動整個建築界。

好彩我並無任何工程在威尼斯人五六期（不過第一期有呀），對我黎講暫時沒有太大既影響。不過金融海潚對澳門的影響已經續漸浮現，明年的大環境可能比現在更差，都係時候「好天收埋落雨柴」喇。

珮珈學校秋季旅行

珮珈今年學校秋季旅行又係去路環石排灣郊野公園，不過咁，澳門唔去呢度又有邊度去丫？

睇相按此處

龍兄虎弟

最近我老婆個大佬同細佬先後出黎澳門玩，我地東道主梗係要帶佢地四維遊覽同食野啦！仲影左好多相添！

大哥遊澳門

五弟遊澳門

暑假日本之旅

今個暑假，我同老婆帶埋兩條化骨龍去日本玩。

兩個小朋友都係第一次坐飛機，以為佢地會驚，點知不但無驚仲好定好乖添！

去到日本，酒店住宿認真麻麻，第二晚個間酒店仲得人驚，我都係第一次住酒店要訓碌架床！珮珈訓到半夜對腳一舊舊腫哂好似生風癩咁，攪到成晚無得訓，我懷疑係張床污糟！好彩第二日對腳已經無乜事。
去迪士妮果日，天氣又熱晒到抽筋，朝早九點幾去到玩，玩到中午已經頂唔順，同老婆商量後決定離隊回酒店休息訓覺！呵呵！
呢間旅行社既住宿安排、行程、膳食都麻麻地，有好多餐都要自費，平野無好野又一活生生例證。

更多相片可瀏覽這裡

Grand opening

熱烈祝賀我的Blog正式開張！
經過大半年的忙碌，完成了手上大部份工作，我終於有時間「的起心肝」寫Blog了。
我今日會將早前要寫既野補寫番哂！