Canon 5D MK II 首次拍 Video

星期一傍晚，我去到觀光塔旁拍日落，順便試一試5DMKII的拍片功能。這次是我第一次用此機來拍片，且花了一個早上來做我不熟悉的剪接工作，大家看看有什麼不好的地方，請狠狠批評！

http://www.vimeo.com/3064450

牛年快樂！萬事勝意！

我恭祝各位牛年：事事順利！身體健康！財源廣進！心想事成！股運亨通！

牛年行花市

今日年三十除夕，下午我們一家到塔石球場年宵市場行下，但係好似好少檔口，而且賣既貨品亦很普通，沒有新意，連小朋友們都無心機睇，所以好快就行完！

最後都係買左少少零食，有爆谷、腸仔、魚蛋豬皮等等，食到津津有味呢！

條腸仔味道都OK，六蚊一條都唔算好貴。

魚蛋檔主話佢果D係獨有豆蓉魚蛋，但我食極都食唔出同平時果D有乜分別。

PhotoFunia

又發現過癮野！ 朱培夆上報紙頭版！
今日無意中發現呢個網頁，提供了好多有趣既範本，我們祗需挑選並upload自己的人像相片，網頁便會自動將相片中的人像「key」到預先選好的範本場景中，非常攪野！ 據悉，其實呢個網站已經開始了一段時間，不過最近加了一些新範本，懂得自動「臉部檢測」，玩移花接木再唔係難事！大家都去試下啦！

朱珮珈上電視食綿花糖！

老婆成為時裝雜誌封面！

官方網站：http://cn.photofunia.com/

Sony VAIO VGN-P15G

今天看到Sony發佈新一代Netbook：VAIO VGN-P15G，外型夠哂殺食， 呎吋僅為245x120x19.8mm，重量為594g，差不多是市面上所有netbook中最輕。雖然外表纖巧，但它用上最新 Intel Atom Processor Z530 (1.60GHz HT)，加上內建2GB DDR2 RAM，及64GB SSD硬盤，表現應該唔會失禮。
它的外殼採用一體化的鎂金屬，表面三層塗料處理，好似有層銀粉咁閃閃下，好靚！顯示屏用8" UWXGA 16：8畫面，擁有高達1600x768超高解像度，可以並排兩個網頁同時觀看。而且為了節省空間，棄用notebook慣用的touchpad，改用類似IBM的trackpoint，鍵盤也有接近一般桌面鍵盤的大小，比其他netbook的超小鍵盤舒服多了。

拎在手上，好似拎住個長身銀包咁，幾鬼型！ 唯一係驚顯示屏太細解像度又高，字體太細可能會睇得好辛苦！
佢既建議零售價都幾貴，要$7,980！不過，要靚就無辦法啦！此款netbook有黑、白、紅、綠四個顏色選擇，個人偏向鍾情綠色及紅色，你又會點選擇呢？

官方網頁：http://www.sonystyle.com.hk/ss/product/vaio/vgn_p15/index.jsp

2009年 Happy New Year！

2009年！
我在此恭祝各位：新年快樂！萬事如意！財源廣進！心想事成！

Poladroid

在網上發現呢個有趣軟體，名叫Poladroid，是用來仿造寶麗萊即影即有相片。簡單易用，效果唔錯，值得向大家推薦！

網址：http://www.poladroid.net/
圖集：http://www.flickr.com/groups/poladroid/

長隆大馬戲 + 歡樂世界

我整理了一些長隆大馬戲和歡樂世界的表演照片，大家俾下意見啦！

2008聖誕番禺長隆之旅

吃過平安夜大餐後，25號我們一家先回新會和外父吃晚飯慶祝生日，26號再與姑婆會合，出發到番禺長隆度假村玩兩日一夜。

當晚在新會吃晚飯，差不多全家總動員，好不熱鬧！珮珈女也收了不少由表姐送的小禮物呢！

第二日我們由新會乘的士到番禺，先到達星河灣酒店入住並吃中午飯，下午稍稍休息一下，晚上出發到長隆看大馬戲。當晚全場爆滿，而且表演相當精彩呢。

經過一晚休息，第三日早上我們再到長隆歡樂世界遊玩。培夆和珮珈看到這麼多機動遊戲十分興奮！一輪吃喝玩樂後，我們都帶著疲倦的身軀，坐車回澳門，結束我們的聖誕長隆之旅。

其他圖片看這裡

2008平安夜聖誕餐

平安夜晚，我們一家到英皇酒店食聖誕自助餐。因為果度交通方便，食完仲可以行下旁邊的新八伯伴百貨公司，而且餐廳內有現場唱歌、魔術表演及聖誕老人出巡，氣氛都算唔錯。
食物方面不過不失，例牌有生蠔、三文魚、長腳蟹等等，不過唔覺有聖誕節相關應節食物，而且熱盤選擇唔多，不過甜品款式都算係咁，我都食左兩杯雪糕！我們食飽飽後，落到酒店大堂仲同聖誕老人影相添！

其他相片可在這裡觀賞